ශාසනික වශයෙන් සමස්ත බෞද්ධ ජනතාවට සුවිශේෂිව වැදගත් පොහොය දිනයක් වන වප් පුර පසළොස්වක පොහොය දිනය අද ට යෙදී තිබේ .
වප් මාසය බුද්ධ ශාසන ඉතිහාසයේ චීවර මාසය ලෙස හැඳින්වේ .එමෙන්ම වස් කාලය ගතකිරීමට තව්තිසා දෙව්ලොවට වැඩම කෙරූ බුදුන් වහන්සේ දෙව්ලොවින් නික්ම දඹදිව සංකස්සපුරයට වැඩම කර මහා පෙළහර පාමින් වැඩ සිටියේ වප් පොහෝ දිනකය.
සැරියුත් හිමියන් ප්රඥාලාභී භික්ෂූන් අතර අග්රස්ථානය ලැබීම, කල්ප ලක්ෂයකින් මතුයෙහි බුදුවීමට සිටින මෛත්රී බෝසතාණන් ගෞතම බුදුරදුන්ගේ ශාසනයෙහි පැවිදි වීම, අනුලා දේවිය ඇතුළු කුල කතුන් සසුන්ගත කිරීමට සංඝමිත්තා තෙරණිය ඇතුළු භික්ෂුණී සංඝයාත්, ජය ශ්රී මහා බෝධියේ දක්ෂිණ ශාඛාවත් ලක්දිවට වැඩමවා ගැනීමට අනුබුදු මිහිඳු හිමියන්ගේ නියමයෙන් දෙවනපෑතිස් රජුගේ සංදේශයත් තුටු පඬුරුත් රැගෙන අරිට්ඨ කුමරු ප්රමුඛ රාජකීය දූත පිරිස දඹදිව සැලලුප් නුවර ධර්මාශෝක චක්රවර්තීන් හමුවීමට පිටත්කොට යවන ලද්දේ ද වප් පෝදායි.පෙරවස් සමාදන් වූ භික්ෂූන් වහන්සේලා මහා පවාරණයෙන් වස් පවාරණය කිරීම හා චීවර මාසයේ ආරම්භය මේ වප් පුරපසළොස්වක පොහෝ දිනයේ සිදු වූ වැදගත් සිදුවීම් අතර ප්රමුඛ වේ.
බුදුරජාණන් වහන්සේ සත් වැනි වස් කාලය තව්තිසා දෙව්ලොව පාණ්ඩුකම්බල සෛලාසනයෙහි වස් සමාදන්ව මාතෘ දිව්යරාජයා ඇතුළු දෙව් පිරිසට අභිධර්මය දේශනා කර මාතෘ දිව්යරාජයා ඇතුළු අසූකෝටියක් මාර්ග ඵලවලට පත්කර අනතුරුව වප් පොහෝ දින වස් පවාරණය කර තව්තිසා දෙව් ලොවින් ශක්ර බ්රහ්මාදී දෙවිවරුන්ගේ ගරු බුහුමන් මධ්යයේ රන් ඉණිමඟින් දඹදිව සංකස්ස නගර ද්වාරයට වැඩම කළේත් අද වන් උතුම් වප් පොහෝ දිනකදීය.
