මෙරට පාසල් සිසුන්ගෙන් සියයට 60ක් මානසික පීඩනයෙන් පෙළෙන බව අනාවරණය වී තිබේ.
ඉහළ වසරවල ඉගෙනුම ලබන සිසුන්ගෙන් සියයට 24ක් විශාදය රෝගී තත්ත්වයෙන් පෙළෙන බවද එහිදී වැඩිදුරටත් හෙළිවී ඇත.
සිදුකළ පර්යේෂණ හරහා මෙම තොරතුරු අනාවරණය වී ඇතැයි ශ්රී ලංකා ළමා සහ යොවුන් මනස පිළිබඳ විශේෂඥ වෛද්ය සංගමයේ සභාපති මහාචාර්ය මියුරු චන්ද්රදාස මහතා පැවසීය.
අදට (10) යෙදෙන ලෝක මානසික සෞඛ්ය දිනය වෙනුවෙන් අදහස් පළ කරමින් මහාචාර්ය මියුරු චන්ද්රදාස මහතා මෙලෙස කියා සිටියේය.
“මෙම මනෝ වෛද්ය පරීක්ෂණයෙන් හොයා ගත්තේ, අධ්යාපන පිළිබඳ තිබෙන දැඩි පීඩනය, නිවසේ දෙමව්පියන් සමග තිබෙන ගැටලු, සමාජ මාධ්ය භාවිතය සහ දරුවන්ට ඇතිවෙන ශාරීරික පීඩා මෙම මානසික පීඩනයට හේතුවූ බවයි.”
“ලංකාවේ ජනගහනයෙන් 19%ක් වැනි ප්රතිශතයකට විශාදයේ ලක්ෂණ තිබෙන බව මින් පෙනෙනවා.”
