ජර්මනියේ උතුරුදිග හැම්බර්ග් නගරයේ ප්‍රධාන දුම්රිය ස්ථානයේ ඊයේ (23) සිදු වූ පිහි ප්‍රහාරයකින් පුද්ගලයින් 12 දෙනෙකු තුවාල ලබා තිබෙනවා.
සිද්ධියට සැකපිට කාන්තාවක් අත්අඩංගුවට ගත් බවයි ජර්මානු පොලිසිය සඳහන් කළේ.
අත්අඩංගුවට ගැනුණු කාන්තාව 39 හැවිරිදි වියේ පසුවන තැනැත්තියක් බවයි වාර්තා වන්නේ.
පිහි ප්‍රහාරයට ලක්ව තුවාල ලැබූවන් අතරින් 06 දෙනෙකුගේ තත්ත්වය බරපතළ බව හැම්බර්ග් ගිනි නිවන දෙපාර්තමේන්තුවේ ප්‍රකාශකයෙකු සඳහන් කළා.
ජර්මානු මාධ්‍ය වාර්තා කළේ, වැඩ කරන සතිය අවසානයේ කාර්යබහුල වේලාවක් වූ සවස 6:00 ට පමණ මෙම ප්‍රහාරය සිදුව ඇති බවයි.
දුම්රිය බලාපොරොත්තුවෙන් දුම්රිය වේදිකාවේ සිටි මගීන්ට සැකකාරිය විසින් මෙම ප්‍රහාරය එල්ල කර ඇති බවයි වාර්තා වන්නේ.
