24.3 C
New York
July 7, 2025
Foreign NewsHot News

පාකිස්තාන Tik Tok තාරකාවියක් වෙඩිතබා ඝාතනය කරයි 

පාකිස්තාන සමාජ මාධ්‍ය ක්‍රියාකාරිනියක වූ 17 හැවිරිදි සානා යූසුෆ් ඉස්ලාමාබාද්හි ඇගේ නිවස තුළදී වෙඩිතබා ඝාතනය කර තිබේ.

සානාගේ ආදරය ඉල්ලා තරුණයෙකු විසින් කළ යෝජනාව ඇය ප්‍රතික්ෂේප කිරීම හේතුවෙන්, ඊට පළිගැනීමක් ලෙස මෙම වෙඩිතැබීම සිදුකර ඇති බව වාර්තා වේ.

සානා මෙම අවාසනාවන්ත සිදුවීමට මුහුණපා ඇත්තේ පෙරේදා (2) දිනයේදී වන අතර, වෙඩි ප්‍රහාරය එල්ලවන විට ඇගේ මවද ඒ ආසන්නයේ සිට ඇත.

ඇගේ සිය 17වන උපන්දිනය යෙදී තිබුණේ ද ඉකුතු මැයි 29 වනදාය.

ඝාතනයට සැකපිට 22 හැවිරිදි උමර් හයාත් නම් තරුණයෙකු පාකිස්තාන පොලීසිය විසින් මේ වනවිට අත්අඩංගුවට ගෙන ඇත.

ඔහු ඉස්ලාමාබාද් අගනුවරට කිලෝමීටර් 320ක් පමණ දුරින් පිහිටි ෆයිසලාබාද්හි පදිංචිකරුවෙකු වේ.

සැකකාර ඝාතකයා කලක සිට සානාගේ ආදරය ලබාගැනීමට උත්සාහ කළ පුද්ගලයෙකු බව සඳහන්.

කෙසේ නමුත් ඒ සෑම අවස්ථාවකදීම ඇය ඔහුගේ ආදර යෝජනා ප්‍රතික්ෂේප කර තිබේ.

සානා ඝාතනයට ලක් වූ දිනද ඔහු, සානා හමුවීමට පැය කිහිපයක් උත්සාහ කළත් එය අසාර්ථක වී ඇත.

ඒ හේතුවෙන් ඔහු බලහත්කාරයෙන්ම සානාගේ නිවසට ඇතුළු වී මෙම වෙඩිතැබීම සිදුකර තිබේ.

සානාගේ මව විසින් ලබාදී ඇති ප්‍රකාශය අනුව වෙඩික්කරු පිස්තෝල ගිනිඅවියකින් සානා ආසන්නයටම පැමිණ මෙම වෙඩිතැබීමට සිදුකර ඇත.

ඇගේ සිරුරේ වෙඩි උණ්ඩ දෙකක් තිබී සොයාගෙන තිබේ.

සානාගේ ටික්ටොක් ගිණුමේ මිලියන 1.3කට වැඩි අනුග්‍රාමිකයන් පිරිසක් සිටින අතර, ඇගේ ඉන්ස්ටග්‍රෑම් ගිණුමේද ලක්ෂ 7කට ආසන්න අනුගාමිකයින් සිටියි.

https://youtu.be/Qg0KxpzSSXI

Related posts

රාජ්‍ය සේවකයන්ට මුඛ ආවරණ පැළදීමට බස්නාහිරින් උපදෙස්

IndusaraMedia

කළුබෝවිල වෙඩි තැබීමක්

IndusaraMedia

මාලිමාව දුන් පොරොන්දු කැඩුවා.. මූලික වැඩපිලිවෙලක්වත් නෑ..- අගරදගුරු

IndusaraMedia

බස් වල තොරොම්බල් ගැලවිල්ල යලි අරඹයි…

IndusaraMedia

කිඩාරම් මලේ පවා සුවද දිග හැරේ

IndusaraMedia

ජනපති රණවිරු සැමරුමට සහභාගී නොවන බවට කතාවක් ගෙතුවේ විපක්ෂය – මන්ත්‍රී චමින්ද ලලිත්

IndusaraMedia

Leave a Comment