හින්දු සංස්කෘතියේ විදහා දැක්වෙන පොන්නන් සංගර් නාට්‍ය විදහා දැක් වීමට (27) දින උදැසන අඩි 60ක් උස කණුවකට නැගි එම නාට්‍ය යේ ප්‍රධාන භූමිකාව රග දැක්වූ තිදරු පියෙකු එම කණුවේ මුදුනේ සිට බිමට ඇද වැටී ජීවිතක්ෂයට පත් වී ඇති බව නානුඔය පොලිසිය පැවසීය.

මෙසේ ජීවිතක්ෂයට පත් වී ඇත්තේ නානුඔය පොලිස් වසමට අයත් ග්ලාස්කෝ වතුයායේ පදිංචිව සිටි මුරුගන් සන්මුගම් නැමති (63) හැවිරිදි තිදරු පියෙකි.

සෑම වසරකම එම වතුයායේ වතු කම්කරුවන් එක්ව හින්දු සංස්කෘතිය විදහා දැක්වෙන පොන්නන් සංගර් නාට්‍ය විදහා දක්වන බවත්, 2025 වසරෙත් එම වතුයායේ සියලු වතු කම්කරුවන් එක්ව (26) දින රාත්‍රියේ සිට අඩි 60ක් උස කොඩි කණුවක් සිටුවා එම කොඩි කණුවේ මුදුනේ විශාල මල් රදවා පහන් වන තුරු නාට්‍ය විදහා දක්වා විශේෂ පූජාවන් ගණනාවක් පැවැත්වීමෙන් අනතුරුව හිරු උදා වීමට ප්‍රථම එම නාට්‍ය විදහා දක්වන ප්‍රධාන ශිල්පියා අඩි 60 ක් උස කණුවට නැග කණුව මුදුනේ රදවා ඇති මල් පහලින් සිටින එම උත්සවයට සහභාගි වූ පිරිසට ලබා ගැනීම සදහා මල් ඉසිනු ලබයි.

එසේ කණුව මුදුනට නැග මල් ඉසිමට කණුව මුදුනටම නැගි පුද්ගලයා ගසේ මුදුනේ සිට මල් ඉසින අවස්ථාවේ පය ලිස්සා පහළට වැටී එම ස්ථානයේම ජීවිතක්ෂයට පත් වී ඇති බවයි නානුඔය පොලිසිය පැවසුවේ.

මියගිය පුද්ගලයාගේ සිරුර පශ්චාත් මරණ පරික්ෂණය සිදු කිරිම සදහා නුවරඑලිය දිස්ත්‍රික්ක මහ රෝහලේ විශේෂඥ වෛද්‍යවරයා වෙත යොමුකර ඇති බව සිද්ධිය සම්බන්ධයෙන් පරික්ෂණ පවත්වන නානුඔය පොලිස් ස්ථානයේ නිළධාරියෙකු පැවසුවේ.

බ්‍රිතාන්‍යයේදි වාර්තාගත මුදලකට ටයිටැනික් නෞකාවේ මගියෙකු විසින් එම නෞකාව ගිලීයාමට දින කිහිපයකට පෙර ලියන ලද ලිපියක් වෙන්දේසි වී තිබේ.

විදෙස් මාධ්‍ය වාර්තා කළේ ,කර්නල් ආචිබෝල්ඩ් ග්‍රේසි විසින් ලියන ලද එම ලිපිය පවුම් ලක්ෂ 3කට වෙන්දේසි වී ඇති බවයි.

මෙහි විශේෂත්වයක් වන්නේ, ලිපිය පවුම් 60,000ක මුදලකට අලෙවි වනු ඇති බවට අපේක්ෂා කළද එමෙන් පස් ගුණයක මුදලකට එය වෙන්දෙසි වී තිබීමයි.

විදෙස් මාධ්‍ය වාර්තා කළේ, ලිපිය නිර්නාමික ගැනුම්කරුවෙකු විසින් මිලදී ගෙන ඇති බවයි.

කර්නල් ආචිබෝල්ඩ් ග්‍රේසිගේ 1912 වසරේ අප්‍රේල් මස 10 වන දිනැති අදාළ ලිපියෙන් දින 05 කට පසු ටයිටැනික් නෞකාව උතුරු අත්ලන්තික් සාගරයේදි අයිස් කන්දක ගැටී ගිලි ගියේය.

එහිදී නෞකාවේ සිටි මගීන් සහ කාර්ය මණ්ඩලයේ 2,200ක පමණ පිරිසෙන් 1,500කට අධික පිරිසක් ජීවිතක්ෂයට පත්වුණි.

2019 දී ඉහළ ප්‍රසිද්ධියක් ලැබූ ව්‍යාජ වන්ධ්‍යාකරණ චෝදනාවකට ලක්වූ ආචාර්ය ශාෆි ශිහාබ්දීන්ගේ දියණිය, 2024 උසස් පෙළ විභාගයේදී විශිෂ්ට ප්‍රතිඵල ලබා රජයේ වෛද්‍ය පීඨයකට ඇතුළත් වී ඇත.

පවුලට එල්ල වූ බලවත් මහජන අවධානය සහ මානසික බලපෑම හේතුවෙන් ඇයට පාසල හැරයාමට සිදු වුවද, ඇය පෞද්ගලික අපේක්ෂකයෙකු ලෙස විභාගයට පෙනී සිටිමින් අසාමාන්‍ය ධෛර්යයක් සහ නොපසුබස්නා බවක් පෙන්වූවාය.

ඇය විද්‍යා විෂය ධාරාවෙන් A 3ක් ලබා, දිස්ත්‍රික් ශ්‍රේණිගත කිරීමේ 12 වැනි ස්ථානයත්, දිවයිනේ 357 වැනි ස්ථානයත් ලබා ගනිමින් රජයේ වෛද්‍ය පීඨයකට ඇතුළත්වීමේ අවස්ථාව හිමිකර ගත්තාය. මීට පෙර, ඇය සාමාන්‍ය පෙළ විභාගයෙන් A 9ක් ලබා ඉහළ දක්ෂතා දක්වා තිබූ අතර, තම පියා මෙන් වෛද්‍යවරියක වී ජනතාවට සේවය කිරීමේ ඇගේ සිහිනය ප්‍රසිද්ධියේ ප්‍රකාශ කර තිබුණාය.

ඉකුත් අපේල් 22 වනදා ග්‍රෑන්ඩ්පාස් ප්‍රදේශයේ පදිංචි කාන්තාවක් අතුරුදන් බවට ලැබුණු පැමිණිල්ලක විමර්ශනවලට අදාළව ඇගේ සැමියා සහ බෑණා ග්‍රෑන්ඩ්පාස් පොලීසිය විසින් අත්අඩංගුවට ගෙන තිබුණි.

ඔවුන්ගෙන් සිදුකළ ප්‍රශ්න කිරීම්වලදි, අදාළ කාන්තාව තියුණු ආයුධවලින් පහරදී ඝාතනය කර ප්‍රදේශයේ ඇළ මාර්ගයකට ගෙන ගොස් දැමූ බව අනාවරණවී ඇති අතර සිද්ධිය CCTV කැමරාවක ද සටහන්ව ඇත.

පොලීසිය සැක කරන්නේ, 65 හැවිරිදි අදාළ කාන්තාව සමීප සබඳතා පැවැත්වූ වෙනත් පුද්ගලයෙකු සමඟ චාරිකාවක් ගොස් යළි නිවසට පැමිණි පසු මෙම ඝාතනය සිදුව ඇති බවටය.

ගෝලීය ස්වෛරීත්ව ණය වටමේස සමුළුවට ශ්‍රී ලංකාව නියෝජනය කරමින් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා සහ භාණ්ඩාගාර ලේකම් කේ, එම්. එම්. සිරිවර්ධන මහතා, සහභාගී වී තිබේ.

වොෂින්ටන් නුවර ජාත්‍යන්තර මූල්‍ය අරමුදලේ සහ ලෝක බැංකු සමූහයේ වසන්ත රැස්වීම්වලට සමගාමීව, පසුගිය 23 වන දා මෙම සමුළුව පැවැත් විය.

ණය සම්බන්ධ අභියෝග සහ විසඳුම් පිළිබඳව පාර්ශ්වකරුවන් අතර පොදු අවබෝධය වැඩි දියුණු කිරීම සඳහා ණයගැති රටවල් සහ ණයහිමියන් පොදු වේදිකාවකට ගෙන ඒමේ අරමුණින් 2023 වසරේ පෙබරවාරි මාසයේ දී ගෝලීය ස්වෛරීත්ව ණය වටමේස සමුළුව පිහිටුවන ලදී. 

ගෝලීය ස්වෛරීත්ව ණය වටමේස සමුළුවෙහි සම සභාපතීත්වය ජාත්‍යන්තර මූල්‍ය අරමුදල, ලෝක බැංකුව සහ G20 රටවල සභාපතිත්වය විසින් දරනු ලැබේ. 

විවිධ ණය සම්බන්ධ පාර්ශ්වකරුවන් පොදු වේදිකාවකට ගෙන ඒමට අමතරව, ගෝලීය ස්වෛරීත්ව ණය වටමේස සමුළුවෙහි ජයග්‍රහණ අතරට මෑතක දී රටවල අධිකාරීන් සඳහා ස්වෛරීත්ව ණය ප්‍රතිව්‍යුහගත කිරීමේ අත් පොත https://www.imf.org/-/media/Files/About/FAQ/gsdr/042325-gsdr-restructuring- playhook ashx හඳුන්වා දීම ද ඇතුළත් වේ.

ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා ගෝලීය ස්වෛරීත්ව ණය වටමේස සමුළුව ආරම්භයේ සිට ම එහි සාකච්ඡාවලට ක්‍රියාකාරීව සහභාගී විය. 

මෙම වටයේ දී, ණය ප්‍රතිව්‍යුහගත කිරීම සම්බන්ධයෙන් ශ්‍රී ලංකාවේ අත්දැකීම් බෙදා ගන්නා අතර ම, ණය අර්බුදයට ලක්ව ඇති රටවල් ණය ප්‍රතිව්‍යුහගත කිරීම සාර්ථකව නිම කිරීමෙන් පසු ණය පැහැර හැරීමේ තත්ත්වයෙන් ක්‍රමයෙන් ඉවත් වීම සහතික කිරීම සඳහා ස්වෛරීත්ව ණය ශ්‍රේණිගත කිරීමේ ආයතනවලට පැවරෙන වැදගත් කාර්යභාරය ද අධිපතිවරයා අවධාරණය කළේය.