ඉරානයේ විදේශ අමාත්ය අබ්බාස් අරාග්චි අද (06) උදෑසන චීනයේ, බීජිං අගනුවර වෙත පැමිණ ඇතැයි විදෙස් මාධ්ය වාර්තා කරයි.
චීනයේ ඉහළ රාජ්ය නායකයින් සමඟ විශේෂ සාකච්ඡාවකට සහභාගී වීම සඳහා ඔහු මෙලෙස චීනයේ සංචාරයකට එක්ව ඇත.
ඉරානයේ විදේශ අමාත්ය අබ්බාස් අරාග්චි චීන විදේශ කටයුතු අමාත්ය Wang Yi සමඟ දෙරට අතර සබඳතා, කලාපීය තත්ත්වයන් සහ ගෝලීය උපායමාර්ගික ගැටලු පිළිබඳව සාකච්ඡා කිරීමට නියමිත බව විදෙස් මාධ්ය වාර්තා කරයි.
මැදපෙරදිග යුද්ධයේ උණුසුම සහ විශේෂයෙන් හෝමූස් සමුද්ර සන්ධිය වටා ගොඩ නැගී ඇති ආරක්ෂක සහ දේශපාලනික අවදානම් තත්ත්වය හමුවේ ලෝක තෙල් සැපයුම් මාර්ගයන්ට බලපෑම් එල්ල වී ඇති මොහොතක මෙම සංචාරය සිදුවීම කෙරෙහි ලෝකයේම අවධානය යොමුව තිබේ.
ඉරානයේ විදේශ අමාත්ය අබ්බාස් අරාග්චිගේ මෙම සංචාරය සිදුවන්නේ, මැදපෙරදිග යුද ගැටුම් හේතුවෙන් කල් දැමුණු ඇමෙරිකානු ජනාධිපති ඩොනල්ඩ් ට්රම්ප් සහ චීන ජනාධිපති ෂී ජින්පින් අතර හමුව, මේ මාසයේ පැවැත්වීමට කටයුතු සුදානම්ව තිබෙන පරිසරයක් තුළ වීම හා බීජිං නගරය මේ වනවිට ගෝලීය රාජතාන්ත්රික කේන්ද්රස්ථානයක් බවට ලෝකයේම අවධානය දිනා සිටින මොහොතක වීම තවත් විශේෂත්වයකි.
